عشان_تفضلي_منورة تقدمها خبيرة التجميل ومتخصصة الشعر والعناية بالبشرة

مع مراعاة اننا چيناتنا مش اوروبية ياجماعة يعني مش هاتلاقي نفسك شقرا بعد يومين

علشان تحافظي على صحتك النفسية والجسديه
متألقة :

-حبي نفسك (هاتجبري اللي حواليكي يحبوكي لما يشوفوا حبك لنفسك وتقديرك ليها)

-اشربي حليب كتير ٢كوب يوميا بليز بليز بليز اهتمي بالحليب مش الرايب ولا الزبادي.. الحليييييب

-كلي تفاح وتمر كتير

-استخدمي واقي شمس من بدري بإنتظام علشان تقي بشرتك من الشمس والتجاعيد وتصبغات الجلد

-عالجي اي مشكله تظهرلك في بشرتك بدري بدري ماتستنيش على المشكله لما تكبر خصوصا التجاعيد والكلف

-العبي رياضه وامشي واتمشي

-تاني حبي نفسك اوي

-اتعطري خصوصا قبل النوم (ماتخرجيش بالعطر)

-شغلي فواحة او مبخرة في غرفتك

اهتمي بترتيب غرفتك وديكورها بالديكور اللي نفسيتك بترتاح فيه

-حافظي على الصلاة

-اهتمي بمكان صلاتك من تعطير وترتيب وديكور

-استمتعي وانتي بتاكلي الاكل اللي بتحبيه، مش أكل والسلام

-اتفسحي اخر كل اسبوع وحوشي ولو شوية فكه، فكه على فكه هايعملولك مبلغ كويس كل فترة خصصيه لنفسك

-خصصي لنفسك يوميا ساعه تقعدي لوحدك (ريلاكس)

-لو نفسك في. حاجه اشتريها مادام فعلا نفسك فيها ومحتاجاها، ماتبخليش على نفسك!!!

-اهتمي بشعرك واعتني بيه مع قص اطرافه مره كل ٣ شهور

-خدي فيتامين للجسم وللشعر

-للي في سني اعملي جلسه فراكشنال لبشرتك مره كل ٣ شهور????????????

-اعملي شوبنج مره كل شهر

-اقري كتير فكل المجالات << ????????????

-اشتغلي ماتقعديش اي شغل ااااي شغل اااااااااااي شعل سواء تخصصك او بعيد عن تخصصك

-ماتسمحيش لحاجه ولا لحد يدايقك، مع السلامه او مش مع السلامه وات ايفر ???? المهم انتي ونفسيتك????????????
اللي يدايقك ابعدي عنه اللي ينكد عليكي اقفلي في وشه السكة، اللي يحبطك ويملا ودانك طاقه سلبيه سدددددي ودانك واهربي ????????

-لو حاجه جت على مخك ودايقتك اقطعي حبل افكارك وفكري فورااا في حاجه حلوة

-استخدمي كريم عنايه ليلي لبشرتك

-استخدمي مكياچ ماركة

-اهتمي بترطيب ايديكي

-ماتكتريش في الاكل الغلط والمقليات، ماتمنعيش نفسك، بس ماتكتريش خصوصا للي فوق الثلاثين، توزيع الدهون بيتغير يعني اللي كنتي بتاكليه زمان، فجأة هاتلاقيه هو نفسه بقى يزود وزنك وخصوصا في النص السفلي من الجسم

-اشربي مايه كتير ٣ لتر يوميا ، الديتوكس حلو على فكره

-تاني عالجي اي مشكلة بدري بدري

-حافظي على وزنك لاتزيدي ولاتقلي

-العبي رياضه العبي رياضه العبي رياضه

-حبي العطور وحبي عطور البيت

-كان فيه بوست انتشر عن اشربي ينسون، اه فعلا اعملي لنفسك خليط ينسون كراويه شمر حلبه في حافظه واشربي منه مرتين يوميا

-الحلييييييب مهم ????

-اعملي حمام زيت لشعرك عالاقل مره كل اسبوع

-اهتمي بنظافتك الشخصية سنانك جسمك شعرك لبسك

-نامي كويس وخدي كفايتك من النوم

-حافظي على قيام الليل من دلوقتي علشان لما يوصل سنك الخمسين تبقي اتعودتي عليه

-يوميا لازم لازم تلمسي مصحفك ولو عالاقل آيه،اوعي يوم يعدي من غير ماتقرئي ولو آيه

-استمتعي استمتعي ولو بأقل حاجه حتى لو مكعب شوكلت

-ودوري ليكي على هوايه تسلي بيها نفسك

-ماتكبريش ماتكبريش لا شكلا ولا نفسيا ولا مضمونا، خليكي طفله وأنثى وحبي نفسك ونوري